Vətən müharibəsi şəhidi Eldar Abdullayevin ailəsi ziyarət edilib. Bu haqda bu gün, 16 mart tarixində Mədəniyyət Xəbərləri məlumat yayıb.
Məlumata əsasən, Səməd Vurğun adına Mərkəzi kitabxananın əməkdaşları şəhid ailəsinə baş çəkiblər. Kollektiv şəhidin övladlarını bayram münasibətilə təbrik edib.
Baş gizir olan hərbi tibb qulluqçusu Eldar Abdullayev Vətən müharibəsi zamanı Füzulinin, Hadrutun və Zəngilanın azad olunması uğrunda gedən döyüşlərdə yaralı hərbiçilərə döyüş meydanında tibbi yardım göstərib. O, oktyabrın 18-də Zəngilan döyüşləri zamanı şəhid olub. Abdullayev Sumqayıt Şəhidlər Xiyabanında dəfn olunub.
Eldar Abdullayev ölümündən sonra "Vətən uğrunda" və "Xocavəndin azad olunmasına görə" medalları ilə təltif edilib.
Şəhidin üç qızı yadigar qalıb.
