Sumqayıtda fəaliyyət göstərən dövlət uşaq bağçasında balacalar üçün lazımi şərait yaradılmayıb.
Sumqayıt24.az-a müraciət edən valideyinlər bildiriblər ki, 49 saylı uşaq bağçasının oyun zalının döşəməsi xalça ilə örtülməyib.
Valideynlərin sözlərinə görə, bağça tərəfindən hər uşaq üçün aylıq olaraq 20 AZN ödəniş alınır.
“Uşaqlar üçün döşəmədə oturub oynamağa heç bir şərait yoxdur. Çünki yerdə xalça yoxdur. Sadəcə otağın küncündə kiçik bir xalça var ki, 25 uşaq ora sığışmır. Bu səbəbdən də buz kimi döşəmə körpələrin tez-tez xəstələnməsinə səbəb olur. Bağçadan isə deyirlər ki, istilik mövsümü 15 noyabrda başlayacaq. Bu vaxta qədər bəyəm uşaqlar soyuqdan qırılmalıdır? Eyni zamanda bağçanın həyətində heç bir əyləncə qurğusu və ya oyun sahəsi də yoxdur”, - deyə şikayətçilər əlavə ediblər.
