Mərhum şahmatçı Vüqar Həşimovun atası, polkovnik Qasım Həşimovla vida mərasimi keçirilib.
Report.az-ın məlumatına görə, mərasimdə ictimaiyyət nümayəndələri, mərhumun yaxınları iştirak ediblər.
O, II Fəxri xiyabanda dəfn olunacaq.
Qasım Murtuza oğlu Həşimov 1949-cu ildə Goranboy rayonunda anadan olub. Uzun illər Mərkəzi Ordu İdman Klubunun rəisi vəzifəsində çalışıb.
Azərbaycanın Əməkdar məşqçisi olan Q.Həşimov 2023-cü ildə Azərbaycanda idmanın inkişafında uzunmüddətli səmərəli fəaliyyətinə görə Azərbaycan Respublikası Prezidentinin fərdi təqaüdünə layiq görülüb.
Qasım Həşimov Novxanıdakı fərdi yaşayış evində partlayış baş verməsi nəticəsində xəsarət almışdı. O, yanvarın 8-də müalicə aldığı xəstəxanada vəfat edib.
