İtaliyanın Trento Universitetinin və Ufa Elm və Sənaye Universitetinin nümayəndələri Sumqayıt Dövlət Universitetində (SDU) işgüzar səfərdə olublar. Sumqayıt24 bu haqda 12 may tarixində xəbər verir.
Səfərdə Trento Universitetinin İqtisadiyyat və idarəetmə fakültəsinin professoru İtalo Trevisan və Rusiyanın Ufa Elm və Sənaye Universitetinin Robototexnika və informatika fakültəsinin dekanı, professor Diana Baqdanova iştirak ediblər.
Görüş çərçivəsində həm universitetlərarası, həm də fakültələrarası müqavilələrin imzalanması üçün hazırlıq işlərinin görülməsi barədə müzakirələr aparılıb. Daha sonra qonaqlar universitetin maddi-texniki bazası ilə tanış oldular, Mühəndislik fakültəsinin kafedra müdirləri ilə görüşdülər.
