Xidmət Sahələri üzrə Sumqayıt Dövlət Peşə Təhsil Mərkəzi bayram şənliyi təşkil edib. Bu haqda 28 dekabr tarixində Sumqayıt24 xəbər verir.
31 Dekabr – Dünya Azərbaycanlılarının Həmrəyliyi Günü və Yeni il bayramı münasibətilə təşkil olunan tədbirdə M. Əsədov adına İnteqrasiya Təlimli İnternat Tipli Gimnaziyanın xüsusi qayğıya ehtiyacı olan şagirdləri iştirak ediblər.
Mərkəzin Aşpaz, Bərbər-vizajist-manikürçü, Turizm sahəsində iaşə üzrə mütəxəssis ixtisaları üzrə təhsil alan tələbələri uşaqlara qayğı ilə yanaşaraq vaxtlarının səmərəli keçməsi üçün rəqs, mahnı nömrələri ilə çıxış edib, kiçik səhnəciklər quraraq onları əyləndiriblər.
Tədbirin sonunda uşaqların öncədən ünvanladıqları məktublara əsasən, Şaxta baba onlara bayram sovqatları verib.
