Sumqayıtda “Azərbaycan xalqının xilaskarı” adlı konfrans keçirilib. Sumqayıt24 bu haqda 8 may tarixində xəbər verir.
Tədbir Yeni Azərbaycan Partiyası (YAP) Sumqayıt şəhər təşkilatında Heydər Əliyevin anadan olmasının 101-ci ildönümünə həsr olunub.
Çıxışçılar YAP idarə heyətinin üzvü, Sumqayıt şəhər təşkilatının sədri Ramiz Hüseynov, İcra Hakimiyyəti başçısının birinci müavini Teymur Səmədov, Sumqayıt Dövlət Universitetinin professoru Şirxan Səlimov, “Şöhrət” ordenli əməkdar müəllim Ofelya Babayeva, Sumqayıt Perinatal Mərkəzinin rəhbəri Təranə Rəcəbli ulu öndərin xalqımızın tarixində və dövlətçilik fəaliyyətində müstəsna xidmətlərindən danışıblar.
Sonda Heydər Əliyevin həyat və fəaliyyətinə həsr olunmuş “Müstəqil Azərbaycanın memarı – Ulu Öndər Heydər Əliyev” mövzulu esse yazı müsabiqəsi elan olunub. YAP sıralarına yeni qoşulmuş gənclərə üzvlük vəsiqələri paylanılıb.
