Sumqayıtda “Yayı kitabla keçirək” adlı ədəbi marafon keçirilib. Sumqayıt24 bu haqda sosial şəbəkələrə istinadən xəbər verir.
Marafonun təşkilatçısı Mərkəzi Uşaq Kitabxanası olub. İştirakçılar qismində 38 nömrəli məktəbin nəzdində yaradılan “Yay məktəbi”nin, “Star Academy” tədris mərkəzinin şagirdləri, valideynlər və fəal oxucular olublar.
Tədbirdə uşaqlar vətənpərvərlik ruhunda şeirlər söyləyib, şən mahnılar, əlvan rəqs nümunələri təqdim ediblər. Kitabxananın baş mütəxəssisi “Qırmızıpapaq” fransız xalq nağılı əsasında hazırladığı kukla tamaşasını nümayiş etdirib.
Sonda iştirakçılar uşaq ədəbiyyatının nəfis nümunələri əsasında tərtib edilən geniş kitab sərgisi ilə tanış olublar.
