Sumqayıtda "Körpələrin qidalanmasında ana südünün əhəmiyyəti" adlı təlim baş tutub. Bu haqda 16 oktyabr tarixində Sumqayıt24 xəbər verir.
Perinatal Mərkəzdə təşkil olunan tədbirdə yeni ana olan valideynlər iştirak edib. Həkim-neonatoloq Aidə Ağazadə sözügedən mövzuda geniş təqdimatla çıxış edib. O, ana südünün körpələr üçün möcüzəvi xarakter daşıyan ən sağlam qida olduğunu vurğulayıb.
Qeyd edək ki, tədbirin keçirilməsində məqsəd körpələrin ana südü ilə qidalandırılmasını təbliğ etmək və ana südü ilə qidalandırılmanın körpələrin, o cümlədən anaların sağlamlığı üçün əhəmiyyəti barədə maarifləndirmə aparmaqdır.
