Sumqayıtda işğaldan azad edilmiş rayona növbəti mərhələdə köçürülən ailələrin tibbi müayinələrinə başlanılıb. Bu barədə 2 sentyabr tarixində Sumqayıt Tibb Mərkəzinə istinadən xəbər veririk.
Proses 1 nömrəli şəhər xəstəxanasının poliklinika şöbəsində aparılır. Müayinədə Zəngilan rayonunun Ağalı kəndinə köçürülən 6 ailədən olan 29 nəfər iştirak edir. Burada biokimyəvi laborator analizləri, ultrasəs (USM), elektrokardioqrafiya (EKQ) və ağciyərlərin rentgenoqramması (flüoroqrafiya) müayinələri həyata keçirilir.
Müayinələr Qaçqınların və Məcburi Köçkünlərin İşləri üzrə Dövlət Komitəsi və TƏBİB arasında əməkdaşlıq çərçivəsində reallaşdırılır.
