Bakı–Sumqayıt marşrutu üzrə hərəkət edən avtobus sürücüsünün sərnişin davranışları ilə bağlı şikayəti gündəmə gəlib.
Sumqayit24.az xəbər verir ki, sürücü sosial şəbəkələrdə paylaşdığı videoda sərnişinlər avtobusdan endikdən sonrakı vəziyyəti nümayiş etdirib.
Sürücünün sözlərinə görə, sərnişinlər avtobusdan düşərkən əllərində olan tullantıları - dərman qutularını, kağızları, plastik butulkaları və digər zibilləri birbaşa yerə atırlar. O bildirib ki, avtobuslar hər gün mütəmadi olaraq təmizlənsə də, demək olar ki, hər reysdən sonra eyni mənzərə ilə qarşılaşırlar.
