Şəhriyar Məmmədyarovun çıxış etdiyi “Alaskan Knights" komandası Qlobal Şahmat Liqasının finalına vəsiqə qazanıb.
Sumqayit24.az xəbər verir ki, qrup mərhələsinin son turunda komanda "American Gambits"ə 4:2 hesabı ilə qalib gəlib. Sumqayıtlı qrosmeyster öz oyununda Yu Yangyi (Çin) məğlub edib.
"Alaskan Knights" 24 xal toplayıb və iki oyunluq finalda "Alpine Pipers" ilə qarşılaşacaq.
Qeyd edək ki, yarış Londonda keçirilir.
