Sumqayıtlı yeniyetmə idmançılar medallar qazanıblar.
Sumqayit24.az xəbər verir ki, cüdo üzrə U-17 yeniyetmələr arasında Liqa yarışının IV turu start götürüb.
İki gün davam edəcək turnirə 91 klub və idman cəmiyyətindən ümumilikdə 16 çəki dərəcəsində 721 idmançı (581 oğlan, 140 qız) qatılıb.
Abşeron Olimpiya İdman Kompleksində keçirilən yarışın ilk günündə 380 cüdoçu 8 çəkidə mübarizə aparıb.
Yarışda medal qazanan sumqayıtlı cüdoçuları təqdim edirik.
Belə ki, oğlanlardan - Səlim Hüseynov (Sumqayıt şəhəri 1 nömrəli İOEUGİŞM, 50 kq) ikinci, Hüseyn Məmmədov (Sumqayıt şəhəri 2 nömrəli UGİŞM, 50 kq), Amin Quliyev (Fərid İK Sumqayıt, 50 kq), Xəyal Sərkərov (Sumqayıt şəhəri 2 nömrəli UGİŞM, 73 kq) üçüncü, qızlardan - Səma Vəlizadə (Sumqayıt şəhəri 2 nömrəli UGİŞM, 57 kq), Sümeyya Nuriyeva (Sumqayıt şəhəri İOEUGİM, 70 kq) ikinci, Xədicə Allahverdiyeva (Sumqayıt şəhəri 2 nömrəli UGİŞM, 57 kq) üçüncü yerə layiq görülüb.
