"Sabah"a qarşı oyunda “Sumqayıt” futbol klubunun qələbə qolunu vuran Roy Kehat futbolinfo-nun suallarını cavablandırıb.
Sözügedən müsahibəni təqdim edirik:
– Misli Premyer Liqasının 12-ci turunda “Sabah”a 1:0 hesabı ilə qalib gəldiniz. Matçla bağlı düşüncələriniz necədir?
– Bizim üçün böyük qələbədir. Hamımız komandanın fərqini bilirik, mübarizə apardıq. Düşünürəm ki, güclü tərəf idik. Qol vurduq və bir qolla matçın taleyini həll etdik. Qalib gəldiyimiz üçün xoşbəxtəm.
– Sizin komandada baş məşqçi dəyişikliyi olmuşdu və gözlənilirdi ki, ən yaxşı halda bu oyundan bir xalla ayrılasınız…
– Biz həmişə qalibiyyətə inanırıq. Bilirik ki, istənilən rəqib üzərində qələbə qazana bilərik. “Sabah” bizdən daha yaxşı mövsüm keçirir, amma futbolda həmişə favorit olan komandalar qalib gəlmir. Bunu çox görmüşük.
– Yeni baş məşqçi kimi Vaqif Cavadovu necə dəyərləndirərsən?
– O, çox motivasiyalıdır və komandanı cədvəldə yüksəltmək arzusundadır.
– Yuxarı pillələrə qalxmaq üçün nə lazımdır?
– Düşünürəm ki, biz uzaq gələcəyə diqqət yetirməliyik. Qarşıda bizi uzun bir mövsüm gözləyir. Yalnız son matçlara çatanda nəyin əldə edilə biləcəyini görmək mümkündür.
– “Araz-Naxçıvan”a qalib gələ biləcəksiniz? Növbəti turda rəqibiniz mövsümün ən yaxşılarından biri olan komandadır…
– “Araz-Naxçıvan” heyrətamizdir, onlar üçüncü yerdədirlər və bu mövsüm yalnız bir oyunda uduzublar. Onların yaxşı komandası var və bu, bizim üçün böyük sınaq olacaq. Həmişə dediyim kimi, hər oyuna xal almaq üçün çıxacağıq.
