2021-ci ilin iyun ayında Novxanıda törətdiyi qəza ilə 4 nəfərin ölümünə səbəb olan Elşad Kəlbəliyevin cinayət işi Bakı Ağır Cinayətlər Məhkəməsinə göndərilib. Bu haqda Azerbaycan24 xəbər yayıb.
Məlumata əsasən, "Əlincə" futbol klubunun prezidenti olan Kəlbəliyev Cinayət Məcəlləsinin "ehtiyatsızlıqdan iki və ya daha çox şəxsin ölümünə səbəb olma" maddəsi ilə ittiham olunur.
Xatırladaq ki, adıçəkilən şəxs sərxoş vəziyyətdə idarə etdiyi "Range Rover" markalı avtomobillə "Daeewo" markalı avtomobilə çırpılıb. Nəticədə, "Daeewo" nun sürücüsu Murad Ziyadov, sərnişinlər Ülman Şıxəliyev, Kamran Əhmədov və Yunis Əhmədov dünyalarını dəyişiblər. Həmçinin, Emin Hüseynəliyev adlı şəxs də zərərçəkmiş qismində tanınıb.
