WUF13 çərçivəsində keçirilən "Şəhər və ikinci şans: Görünməyənlərin səsi" adlı panel və sərgidə diqqət çəkən məqamlardan biri də 15 yaşlı Nicat İskəndərovun moderator kimi çıxışı oldu.
Azxeber.com-un məlumatına görə, sumqayıtlı gənc ilk dəfə belə böyük beynəlxalq platformada panel müzakirəsini ingilis dilində idarə edib. O, panel zamanı pakistanlı iqtisadçı və beynəlxalq spiker Rao Babar Jamil ilə müsahibə aparıb və peşəkar ünsiyyəti ilə iştirakçıların diqqətini cəlb edib.
Bir ildən artıqdır ki, "Cəza Çəkmiş Qadınların Cəmiyyətə Qayıdışı" İctimai Birliyində könüllü fəaliyyət göstərən Nicat artıq beynəlxalq auditoriya qarşısında özünü inamla ifadə etməyi bacarır.
Qeyd edək ki, Nicat İskəndərov artıq 4 əcnəbi dildə (ingilis, alman, çin, rus) sərbəst danışır. O, hazırda Sumqayıt şəhər 12 saylı tam orta məktəbin 9-cu sinif şagirdidir.
