Sumqayıt təhsil müəssisəsində idman dərsi məktəbli forması ilə keçirilir. Bu haqda 25 aprel tarixində Sumqayıt24 Xezerxeber.az-a istinadən xəbər verir.
Söhbət M. Füzuli adına 15 nömrəli tam orta məktəbdən gedir. Təhsil müəssisəsində nə idman zalı, nə də geyinib-soyunma otağı yoxdur. Məktəbdə 6 idman müəllimi çalışır. Onların sözlərinə görə, lazımi şərait olmadığından bədən tərbiyəsi dərsləri normal keçirilmir.
1730 şagirdin təhsil aldığı məktəbdə yaşanan mövcud vəziyyət valideynləri də narahat edir.
Məktəbin direktoru Elmira Yaqubova bildirib ki, təhsil müəssisəsinin təmirinin 2025-ci ilin layihəsinə salınması üçün aidiyyəti üzrə müraciət olunub. Təmir işləri zamanı qeyd edilən problemlər aradan qaldırılacaq.
