Bu gün sumqayıtlı şəhidin doğum günüdür.
Şəhid Vəliyev Əli Kamran oğlu 2002-ci il iyunun 15-də Sumqayıt şəhərində dünyaya gəlib. Sumqayıt şəhər 13 saylı orta məktəbdə təhsil alıb.
2020-ci il sentyabrın 27-də başlanan Vətən müharibəsində iştirak edib, Azərbaycan Respublikasının ərazi bütövlüyü uğrunda vuruşub.
30 oktyabr 2020-ci il Goranboy rayonu Tapqaraqoyunlu kəndi, Kəhrilər xarabalığı istiqamətində düşmən tərəfindən odlu silahla və diğər silah növlərindən atılan mərminin partlayışı nəticəsində şəhid olub.
Azərbaycan Respublikası Prezidenti İlham Əliyevin Sərəncamlarına əsasən, Vəliyev Əli Kamran oğlu ölümündən sonra "Suqovuşanın azad olunmasına görə", "Cəsur döyüşçü", "Vətən uğrunda" medalları ilə təltif edilib.
