Sumqayıt şəhər 20 nömrəli məktəbin bağlanacağı ilə bağlı qeyri-rəsmi xəbərlər yayılıb. Sumqayıt24 bu haqda 27 may tarixində məlumat verir.
Hal-hazırda təhsil ocağının yüzlərlə şagirdi var. Valideynlərin verdiyi məlumata görə, bəzi müəllimlər məktəbin “standartlara” cavab vermədiyi üçün bağlanacağını deyir, uşaqları buradan çıxarmağı “tövsiyə” edirlər.
“Biz uşaqlarımızı 14 nömrəli məktəbdən buraya köçürmüşük. O məktəb baxımsız vəziyyətdədir, daşları-divarları tökülür, lakin nədənsə bağlanmır. Bəs niyə yeni tikilmiş məktəb bağlanmalıdır? Həmçinin burada dərslər də yüksək səviyyədə keçirilir”, - deyə müraciətçi valideynlər əlavə ediblər.
Xatırladaq ki, ötən il 20 nömrəli məktəbin kollecə çevriləcəyi deyilirdi. Lakin məlumat sonradan təkzib edilmişdi.
