Abşeronda qətl törətməkdə təqsirləndirilən Hüseyn Kazımovun cinayət işi üzrə ibtidai istintaq yekunlaşıb.
Sumqayit24.az xəbər verir ki, toplanan iş baxılması üçün Sumqayıt Ağır Cinayətlər Məhkəməsinə göndərilib.
Cinayət işi hakim Nurəddin Hüseynlinin icraatına verilib.
Qeyd edək ki, hadisə bu il iyulun 23-də baş verib. 22 yaşlı Ayşən Kazımovanın yaşadığı mənzilin eyvanından yerə düşərək ölməsi barədə polisə məlumat daxil olub.
Aparılan araşdırmalar zamanı Ayşən Kazımovanın həyat yoldaşı, 22 yaşlı Hüseyn Kazımov tərəfindən qısqanclıq zəminində aralarında yaranan mübahisə zamanı onu qəsdən mənzildən yerə atıldığı müəyyən edilib. Ayşən Kazımova Sumqayıt Dövlət Universitetinin (SDU) tələbəsi idi.
