Avqustun 10-da, bazar ertəsi, Ümumdünya vaxtı ilə saat 00:20-də "2019 NY2" asteroidi Yerin yaxınlığından keçəcək. Yerə Yaxın Obyektlərin Öyrənilməsi Mərkəzinin hesablamalarına əsasən, asteroidin diametri 330 metrə qədər ola bilər.
"2019 NY2" rəsmi olaraq potensial təhlükəli asteroid (PHA) kateqoriyasına daxil edilsə də, alimlər onun Yer üçün real təhlükə yaratmadığını bildirirlər. Belə status orbitləri Yerdən 7,5 milyon kilometrdən az məsafədə keçən asteroidlərə verilir.
Hesablamalara görə, "2019 NY2" bu dəfə planetimizdən təxminən 2,5 milyon kilometr uzaqlıqdan keçəcək. Bu məsafə Yerlə Ay arasındakı orta məsafədən təxminən 6,5 dəfə böyükdür.
Qeyd olunur ki, qarşıdakı yaxınlaşma asteroidin son 150 ildə Yerə ən yaxın keçidi olacaq. "2019 NY2" Apollon qrupuna aid edilir və Günəş ətrafında tam dövrünü təxminən 2,3 ilə başa vurur.
Yaxınlaşma zamanı NASA-nın güclü antenalarından istifadə etməklə asteroidin ətraflı radiolokasiya müşahidəsinin aparılması planlaşdırılsa da, texniki məhdudiyyətlər səbəbindən bu müşahidələrdən imtina edilib.
Mənbə: "RMF24"
