Sumqayıtda Vətən müharibəsinə həsr olunmuş kitabın təqdimat mərasimi keçiriləcək. Bu barədə 27 sentyabr tarixində Poeziya Evinə istinadən məlumat veririk.
Tədbir sentyabrın 28-i saat 15:00-da Əli Kərim adına Sumqayıt şəhər Poeziya Evində baş tutacaq. "Əbədi sevgi - Vətən" adlı kitab Vətən müharibəsi iştirakçısı olan qələm sahiblərinin yaradıcılıq nümunələrindən ibarətdir.
Kitab Gənclər Fondunun dəstəyi, NAYORA-nın “Gənclər Təşkilatlarının Fəaliyyətlərinin Dəstəklənməsi” proqramı çərçivəsində Dünya Gənc Türk Yazarlar Birliyi tərəfindən çap olunub.
