Sumqayıt şəhəri və Saray qəsəbəsini Bakı Beynəlxalq Avtovağzal Kompleksi ilə əlaqələndirən 503 nömrəli avtobusla bağlı şikayət var.
Bu barədə Sumqayit24.az-a avtobusdan istifadə edən sakinlər məlumat veriblər.
Vətəndaşların iddiasına görə, avtobusda tüstülənmə baş verib. Bu hal sərnişinlər arasında təşvişə səbəb olub.
Sakinlər aidiyyəti qurumlardan məsələni araşdırmağı və tüstülənmənin səbəbinə aydınlıq gətirməyi xahiş edirlər.
Məsələ ilə bağlı Azərbaycan Yerüstü Nəqliyyat Agentliyinə (AYNA) sorğu ünvanlanıb.
Qeyd edək ki, redaksiyamız noyabrın 3-də Sumqayıtda 10A nömrəli avtobusda da tüstülənmə ilə bağlı şikayət işıqlandırıb.
