Akif Çovdarovun Saraydakı torpaqları müsadirə edilə bilər

Akif Çovdarovun Saray qəsəbəsindəki əmlaklarının müsadirəsi istənilir. Sumqayıt24 bu haqda 11 aprel tarixində Apa.az-a istinadən xəbər verir.

Bakıda “8-ci kilometr bazarı” kimi tanınan ticarət mərkəzinin müsadirədən azad olunması ilə bağlı qərardan verilmiş kassasiya şikayəti üzrə məhkəmə təxirə salınıb. Səbəb isə eyni qərardan bir neçə gün əvvəl protest verilməsidir. Şikayət və protestə bir yerdə baxılacaq.

Prosesin qeyri-müəyyən vaxta təxirə salındığı bildirilir.

Prokuror ləğv edilmiş Milli Təhlükəsizlik Nazirliyinin Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarovun yaxınlarına qaytarılmış əmlakların 13 milyon 342 min manatlıq hissəsinin yenidən müsadirə edilməsini istəyir.

Bakı Apellyasiya Məhkəməsinin qərarı ilə Akif Çovdarovun bazar dəyəri 26 milyon manata yaxın qiymətləndirilən 17 əmlakı müsadirədən azad olunub. Prokuror onlardan 11 əmlaka münasibətdə narazı qalıb. Həmin əmlakların 13 milyon 342 min manatlıq hissəsinin müsadirədən azad olunması ilə bağlı qərar ləğv edilərək, yeni baxışa təyin olunması istənilir.

Müsadirəsi istənilən əmlakların arasında Sarayda yerləşən torpaq sahələri də var:

1. Saray qəsəbəsində torpaq sahəsi - bazar dəyəri 60 min manat;


2. Saray qəsəbəsində torpaq sahəsi - bazar dəyəri 203 min manat;


3. Saray qəsəbəsində torpaq sahəsi - bazar dəyəri 59 min 500 manat;