Sumqayıtda Aprel döyüşləri ilə əlaqədar “Qəhrəman döyüşçülər” adlı dəyirmi masa təşkil edilib. Bu haqda 6 aprel tarixində Sumqayıt24 xəbər verir.
Tədbirdə N. Nərimanov adına Mədəniyyət Mərkəzinin “28 May” Diyarşünaslıq evinin kollektivi və Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin tələbələri iştirak ediblər. Əvvəlcə şəhidlərimizin əziz xatirəsi bir dəqiqəlik sükutla yad edilib. Dəyirmi masada iştirak edən Aprel döyüşlərinin qazisi, ehtiyatda olan kapitan Hikmət Məmmədov çıxışında Azərbaycan ordusunun böyük qəhrəmanlıqla Lələtəpə yüksəkliyini ələ keçirməsi haqqında söhbət açıb.
Sonda “Tənqid-Təbliğ” Xalq Teatrının həvəskar aktyorları tərəfindən kompozisiya təqdim olunub.
