Sumqayıtda məktəblinin ölümü ilə nəticələnən yol qəzasının bəzi təfərrüatları məlum olub.
Sumqayit24.az-ın əldə etdiyi məlumata görə, hadisə şəhərin 41A məhəlləsində, “Araz” marketin yaxınlığında qeydə alınıb. Sözügedən marketə ərzaq daşıyan yük maşını arxaya hərəkət edərkən 3-cü sinif şagirdi Mehdi Məmmədovu vuraraq öldürüb.
Qeyd edək ki, hadisə azyaşlı dərsdən evə qayıdanda baş verib. Bu zaman onun qardaşı da yanında olub. Hadisə şahidlərinin ifadəsinə görə, gördüyü dəhşətli mənzərədən onun qardaşının dili tutulub.
