Bakı-Quba yolunda ölüm ilə nəticələnən yol-nəqliyyat hadisəsi baş verib.
"APA"nın məlumatına görə, hadisə yolun Yaşma qəsəbəsindən keçən hissəsində qeydə alınıb. İdarəetmədən çıxan "BMW" markalı avtomobil yolun kənarına aşıb. Nəticədə avtomobilin sürücüsü, 49 yaşlı Salamov Rövşən və sərnişin, 32 yaşlı Türkanə Şükürzadə, ölüblər.
Qəza zamanı 2 nəfərin də yaralandığı bildirilir. Yaralılar xəstəxanaya çatdırılıb.
Hadisənin səbəbi araşdırılır.
