Bakı-Sumqayıt qatarlarında kağız biletlər ləğv olunur. Bu haqda 12 iyun tarixində Sumqayıt24 “Azərbaycan Dəmir Yolları” (ADY) QSC-yə istinadən məlumat verir.
İyulun 1-dən etibarən Abşeron dairəvi dəmir yolu xətti üzrə hərəkət edən qatarlara kağız biletlərin satışını dayandırılır. Məqsəd rəqəmsal ödənişlərin genişləndirilməsi, köşklərdə və kassalarda növbələrin aradan qaldırılması və kağız istifadəsi nəticəsində ətraf mühitə dəyən zərərin qarşısının alınmasıdır.
Qatarlarda gediş haqqı NFC-ni dəstəkləyən bank və ya ADY-yə məxsus gediş kartları ilə təmassız və rahat şəkildə həyata keçirilə bilər. Gediş kartlarını bütün stansiyaların kassalarından əldə etmək mümkündür. Bir ədəd ADY gediş kartının qiyməti 2 AZN təşkil edir.
