Bakı-Sumqayıt yolunda yaranmış vəziyyət xüsusilə piyadaların narazılığına səbəb olub.
Sumqayit24.az-a daxil olan məlumata görə, Ceyranbatan qəsəbəsinin girişində, Ceyranbatan məscidinin yaxınlığında piyada keçidinin olmaması vətəndaşların yolu təhlükəsiz şəkildə keçməsində ciddi çətinlik yaradır.
Sakinlərin sözlərinə əsasən, ərazidə piyadaların intensiv hərəkəti müşahidə olunur və bu vəziyyət nəqliyyatın hərəkətinə də mənfi təsir göstərir.
"Xüsusilə cümə günləri burada insan sıxlığı daha çox olur. Bu əraziyə piyada keçidinin çəkilməsi zəruridir", - deyə vətəndaş bildirib.
Sakinlər aidiyyəti qurumlardan əraziyə baxış keçirilməsini, yol hərəkətinin təhlükəsizliyinin təmin olunması üçün zəruri tədbirlərin görülməsini xahiş edirlər.
