Azərbaycanda yanacağın qiyməti artırılıb.
Sumqayit24.az xəbər verir ki, bununla bağlı Tarif (Qiymət) Şurası qərar qəbul edib. Məlumata görə, Aİ-92 markalı benzinin və dizelin tarifləri müəyyənləşdirilib.
"İctimai nəqliyyat" Məqsədli Büdcə Fondunu formalaşdıran mədaxil mənbələrindən biri kimi, avtomobil benzininin, dizelin və maye qazın hər litrinə görə yol vergisinin Fonda köçürülən hissəsi müəyyən edilib.
Qanunvericiliyə edilən dəyişikliyə əsasən, yanacağın hər litrinə görə yol vergisi 7 qəpik müəyyənləşdirilib.
Bununla bağlı, Tarif (qiymət) Şurasının müvafiq qərarı ilə Aİ-92 markalı benzinin 1 litrinin qiyməti 1 manat 10 qəpikdən 1 manat 15 qəpiyə, dizelin 1 litrinin qiyməti isə 1 manatdan 1 manat 10 qəpiyə dəyişdirilib.
Yanacaq tariflərinin müəyyən hissəsi "İctimai nəqliyyat" Məqsədli Büdcə Fonduna yönəldiləcək.
Dəyişikliklər 2026-cı ilin yanvarın 1-dən qüvvəyə minəcək.
Qərarlarla Tarif (qiymət) Şurasının rəsmi saytının (www.tariff.gov.az) "Şuranın qərarları" bölməsində tanış olmaq olar.
