Sumqayıtda yerləşən “Alüminiumçu” İdman Evi əsaslı təmir edilib. Bu haqda 21 fevral tarixində Sumqayıt24 Azərbaycan Güləş Federasiyasına (AGF) istinadən məlumat verir.
Təmir-bərpa işləri ötən ilin iyununda başlayıb. Güləş mərkəzində idman zalı, məşqçi otaqları və sanitar qovşağı təmir olunub. Eyni zamanda arenada müasir standartlara cavab verən 2 dəst güləş xalçası yerləşdirilib. Artıq ilk məşq də baş tutub.
Sözügedən İdman Evində Rövşən Hacıyev, Kənan Quliyev, Emin Bəşirov, Ruslan Eminov, Seymur Qasımov, Nurəddin Rəcəbov, Hüsaməddin Rəcəbov, Elnur Aslanov, Arif Mehdiyev, Ümid Məmmədov, Etibar Qurbanov, Nofəl Babayev, Ceyhun Əliyev, Hüseyn Abbasov, İslam Abbasov və Murad Məmmədov kimi Avropa və dünya arenalarında medallar qazanmış güləşçilər yetişib və yetişməkdədir.
