Meyxanaçı Rüfət Nasosnu pis vərdişlərinin olduğu vaxtlardan danışıb. Sumqayıt24 bu haqda “show baku”-ya istinadən xəbər verir.
Söz ustası Məcid Hüseynovun “Çörək kəsmişik” layihəsinin qonağı olub. O, açıqlamasında bildirib ki, narkotik aludəçisi olduğu vaxtlarda vəziyyəti çox pis idi:
“Nəinki pis, hətta vəziyyətim yox idi. Bir gün içində hər şeyə, bütün pis vərdişlərimə nöqtə qoydum. Yeni həyata başladım. Allah deyir: “Sən bir addım at, Mən qaça-qaça gələrəm”. Həmin gün bütün həyatım dəyişdi və yollar açıldı. Toylara, məclislərə dəvətlər gəldi. 2013-cü ildə “Toydan sonra nağaradır” qafiyəsini dediyimiz toyun diskini Rüstəm adlı oğlana verdim. O da jest etdi, videonun üstünə nömrəmi yazıb, Youtube-da yerləşdirdi. Səhəri gündən toylar başladı”.
