Anım Günü - 27 sentyabr, İkinci Qarabağ müharibəsinin başladığı gün, Vətən uğrunda can verən şəhidlərin xatirəsinin anılması məqsədi ilə qeyd olunur. Prezident İlham Əliyevin 2 dekabr 2020-ci tarixli sərəncamına əsasən, hər il sentyabrın 27-si Azərbaycan Respublikasında Anım Günü kimi qeyd edilməyə başladı.
2 il əvvəl sentyabrın 27-də Azərbaycan Silahlı Qüvvələri Erməni təxribatının qarşısını almaq və mülki əhalini qorumaq məqsədi ilə “Dəmir Yumruq” əməliyyatına başladı. 44 gün davam edən Vətən müharibəsində Azərbaycan ordusu uzun illər işğal altında olan torpaqları: Cəbrayılı, Füzulini, Zəngilanı, Qubadlını, Şuşanı işğaldan azad etmişdir. 10 noyabr 2020-ci ildə Azərbaycan, Ermənistan və Rusiya arasında imzalanan bəyanatdan sonra isə 20 noyabr Ağdam rayonu, 25 noyabr Kəlbəcər rayonu, 1 dekabr isə Laçın rayonu bir güllə atılmadan, heç bir şəhid verilmədən işğaldan azad edildi.
Azərbaycan Müdafiə Nazirliyinin məlumatına əsasən, 44 gün davam edən Vətən müharibəsi zamanı Azərbaycanda 2908, Səfərbərlik və Hərbi xidmətə Çağırış üzrə Dövlət Xidmətinin məlumatına əsasən, Sumqayıt şəhərindən isə 90 hərbi qulluqçu şəhidlik zirvəsinə ucalıb.
Şəhidlərimizi hörmətlə anırıq!
