Fərid Mirzə oğlu Şamilov 4 may 1999-cı ildə Sumqayıt şəhərində zəhmətkeş bir ailədə dünyaya gəlib.
O, 2020-ci ildəki Tovuz döyüşlərindən sonra könüllü olaraq, Səfərbərlik və Hərbi Xidmətə Çağırış idarəsinə ərizə ilə müraciət edib. 2020-ci il sentyabrın 21-də hərbi xidmətə çağırılıb və Qusar rayonunda bir müddət təlimlər keçəndən sonra sentyabrın 27-də cəbhə bölgəsinə yollanıb. Füzuli istiqamətində gedən döyüşlərdə şücaətlə vuruşub. Cəbrayıl, Zəngilan, Xocavənd, Şuşa, Laçın rayonları uğrunda gedən döyüşlərdə igidlik göstərərək, Vətənə layiqincə xidmət edib.
2020-ci il noyabrın 8-dən 9-na keçən gecə Fərid Şamilovun Xocavənd rayonunun Qırmızı Bazar qəsəbəsində son döyüşü olub. Qəhrəmanımız noyabrın 10-da Sumqayıt Şəhidlər xiyabanında torpağa tapşırılıb.
Döyüş əməliyyatlarında iştirak edərək şəxsi igidlik və şücaət nümayış etdirdiyinə görə ölümündən sonra “Vətən uğrunda”, “Cəbrayılın azad olunmasına görə”, Xocavəndın azad olunmasına görə” və “Füzulinin azad olunmasına görə” medalları ilə təltif edilib.
Bakı şəhər 20 saylı məktəbin 2”F” sinfi onun adını daşıyır.
