Bu gün qəhrəman şəhid Ruslan Məmmədovun doğum günüdür.
Ruslan Məmmədov 6 iyun 1997-ci ildə Sumqayıt şəhərində anadan olub. Azərbaycan Ordusunun leytenantı olan Məmmədov Vətən müharibəsi zamanı Tərtər rayonunun Suqovuşan qəsəbəsinin azadlığı uğrunda gedən döyüşlərdə savaşıb. Ruslan noyabrın 1-də Ağdərə istiqamətində şəhid olub.
Döyüşlərdə şəxsi igidlik və şücaət nümayiş etdirdiyinə görə o, ölümündən sonra "Vətən uğrunda", "Suqovuşanın azad olunmasına görə" və "Laçının azad olunmasına görə" medalları ilə təltif edilib.
