Bu gün Vətən müharibəsi şəhidi Nurlan Abdalovun doğum günüdür.
Nurlan Faiq oğlu Abdalov 12 iyun 2000-ci ildə Sumqayıt şəhərində anadan olub. 2006-2017-ci illərdə 14 nömrəli tam orta məktəbdə təhsil alıb. 2012-2015-ci illərdə Sumqayıt şəhər Dostluq Mədəniyyət Mərkəzinin Rəssamlıq kursunda oxuyub.
2018-ci ildə həqiqi hərbi xidmətə çağırılıb. Müddətdən artıq hərbi xidmət üçün yenidən ordu sıralarına yazılıb və manqa komandiri vəzifəsində xidmət edib.
Azərbaycan Ordusunun çavuşu olan Nurlan Vətən müharibəsi zamanı Füzuli, Cəbrayıl, Zəngilan, Xocavənd uğrunda döyüşlərdə iştirak edib. 3 noyabr 2020-ci ildə Xocavənd uğrunda gedən qızğın döyüşlərdə şəhid olub. 5 noyabr 2020-ci ildə Sumqayıtın Şəhidlər xiyabanında dəfn edilib.
Ölümündən sonra "Vətən uğrunda" və "Xocavəndin azad olunmasına görə" medalları ilə təltif edilib.
