Bu gün Vətən müharibəsi şəhidi Rüfət Əhmədzadənin anım günüdür.
Rüfət Əbülfət oğlu Əhmədzadə 2001-ci il oktyabrın 15-də Sumqayıt şəhərində anadan olub. Əhmədzadə Sumqayıt şəhər 31 saylı orta məktəbdə oxuyub. Bir il Kastamonu Universitetində təhsil alıb. 2019-cu il oktyabrın 23-də Azərbaycan Ordusunda xidmətə başlayıb. Rüfət 2020-ci il sentyabrın 27-də başlanan Vətən müharibəsində Tərtər, Suqovuşan istiqamətlərində döyüşüb. Sentyabrın 29-da Tərtər- Agdərə istiqamətində gedən döyüşlərdə artilleriya mərmisinin partlaması nəticəsində aldığı qəlpə yarasından şəhid olub. Oktyabrın 1-i Sumqayıt Şəhidlər xiyabanında torpağa tapşırılıb.
Ölümündən sonra Rüfət "İgidliyə görə", "Vətən uğrunda" və "Suqovuşanın azad olunmasına görə” medalları ilə təltif edilib.
