Vətən müharibəsi şəhidi Məhəmmədəli Həsənzadənin doğum günüdür. O, 1 may 1999-cu ildə Sumqayıt şəhərində anadan olub.
Əslən Qubadlı rayonunun Qilican kəndindən idi. Məhəmmədəli 2005-ci ildə Qubadlı rayon Qurban Məmmədov adına Yuxarı Mollu kənd məktəbinin birinci sinfinə gedib. 2016-cı ildə məzun olub və qəbul imtahanında 356 bal yığaraq Turizm və Menecment Universitetinin "Biznesin İdarə edilməsi " fakültəsinin "Menecment" ixtisasına daxil olub.
M. Həsənzadə Vətən müharibəsi zamanı Füzuli və Xocavənd rayonlarında vuruşub. Noyabrın 6-da Xocavənd rayonu ərazisində gedən döyüşlərdə şəhidlik zirvəsinə ucalıb. Ölümündən sonra “Vətən uğrunda” və “Xocavəndin azad olunmasına görə” medallarına layiq görülüb.
