Şirbala Hüseynov 6 may 1990-cı ildə Sumqayıt şəhərində anadan olub. O, orta təhsilini Tağıyev qəsəbəsində yerləşən 6 saylı məktəbdə alıb. Məktəbi bitirdikdən sonra hərb yolunu seçib, Heydər Əliyev adına Ali Hərbi Məktəbə qəbul olub.
25 iyul 2012-ci ildə Şirbala leytenant rütbəsi alaraq Beyləqan rayonunda yerləşən “N” saylı hərbi hissədə xidmət etməyə başlayır. 2016-cı ilin Aprel döyüşlərində göstərdiyi qəhrəmanlığına görə baş leytenant, 2019-cu ildə isə kapitan rütbəsinə yüksəlir.
Kapitanımız 44 günlük müharibə zamanı döyüş yolunu Horadiz istiqamətindən başlayır və Cəbrayılın Nüzgar kəndinə qədər vuruşur. 3 döyüş yoldaşını yanan tankın içərisindən çıxararaq xilas edən Şirbala oktyabrın 2-si Füzuli istiqamətində gedən döyüşlərdə şəhid olur.
Ölümündən sonra Hüseynov “Vətən uğrunda” və “Füzulinin azad olunmasına görə” medalları ilə təltif edilib.
