Sumqayıt və Novxanıda çimərliklərdə monitorinqlər keçirilib. Sumqayıt24 bu haqda 12 iyun tarixində Ekologiya və Təbii Sərvətlər Nazirliyinə (ETSN) istinadən xəbər verir.
Monitorinqlər Gigiyena və Epidemiologiya Mərkəzi tərəfindən Xəzər Kompleks Ekoloji Monitorinq İdarəsi ilə birgə təşkil olunub. Çimərliklərin sanitariya vəziyyətinin müayinəsi aparılıb, dəniz suyunun keyfiyyəti isə laboratoriya tədqiqat üsulları tətbiq edilməklə yoxlanılıb.
Müayinələrin nəticələrinə əsasən, Novxanı çimərliklərində dəniz suyunun fiziki-kimyəvi, bakterioloji göstəricilərinin norma səviyyəsində olduğu aşkarlanıb.
Sumqayıt şəhərində isə əksinə, dənizin çirkab sularla intensiv çirklənməsi və suda bakterioloji çirklənmə göstəriciləri normadan yüksək olduğuna görə çimərliklərdən istifadə müvəqqəti olaraq tövsiyə edilmir.
