Sumqayıtlı gənc müəllim Maral Yusifova hər gün şəhərdən ucqar kəndə dərs deməyə gedir. Onun haqda Oxu.az yazıb.
Alman dili müəllimi olan Yusifova yay-qış demədən atası ilə birlikdə yaşadığı Sumqayıt şəhərindən hər səhər Qubanın Qəçrəş kəndinə yola düşür. O, artıq 5 ildir ki, həmin kənddə yerləşən İ.Şahmərdanov adına məktəbdə çalışır.
Bundan əlavə, gənc müəllimimiz Qubadan qayıdar-qayıtmaz Bakıya, Azərbaycan Dillər Universitetinə tələsir. Ali təhsil müəssisəsində isə o, öz fənnini magistr tələbələrinə tədris edir.
Maral Yusifova 2017-ci ildə MİQ (müəllimlərin işə qəbulu) imtahanında yüksək bal toplayıb və həmin məktəbi seçib. Müəllim qeyd edir ki, universitetdə təhsil alan vaxtı ucqar kənd məktəbində çalışmağı qarşısına məqsəd qoyub və göründüyü kimi də məqsədinə çatmağa nail olub.
