Dağıstan nümayəndə heyəti Sumqayıta gəlib.
Sumqayit24.az xəbər verir ki, sözügedən respublikanın iqtisadiyyat və ərazi inkişafı naziri Hacı Sultanovun rəhbərlik etdiyi nümayəndə heyəti Sumqayıt Kimya Sənaye Parkı ilə tanış olub.
İqtisadi Zonaların İnkişafı Agentliyinin (İZİA) İdarə Heyəti sədrinin müavini Aqil Əzizov qonaqlara agentliyin idarəçiliyində olan sənaye zonalarının ümumi fəaliyyəti, görülən işlər, həyata keçirilən layihələr barədə məlumat verib, dağıstanlı iş adamları sənaye zonalarında yaradılan əlverişli investisiya imkanlarından yararlanmağa dəvət edilib.
Görüşün davamı olaraq nümayəndə heyəti Sumqayıt Kimya Sənaye Parkının 10 hektar ərazisində tikintisi aparılan Azərbaycan-Rusiya Birgə Sənaye Zonasının, Sənaye Parkının rezidentləri “Azertexnolayn” MMC-nin polad boru, “Novus Plastica” MMC-nin polimer materialların emalı müəssisələrinin fəaliyyətləri ilə tanış olublar.
