General M.Əsədov adına İnteqrasiya təlimli internat tipli gimnaziyada maarifləndirici seminar keçirilib. Bu haqda 22 fevral tarixində Sumqayıt24 xəbər verir.
Dövlət Məşğulluq Agentliyi tərəfindən “Gələcəyə birlikdə” layihəsi çərçivəsində təhsil ocağında ümumilikdə 5 silsilə təlim, 1 mütəxəssis görüşü baş tutub.
Görüşdə ingilis dili müəllimi və təhsil psixoloqu Hüseyn Həsənov ingilis dilinin mənimsənilməsi üçün effektiv yollardan, robototexnika üzrə mütəxəssis Nərmin İsmayılova texnoloji savadlılıq və bacarıqların mənimsənilməsi ilə bağlı çıxış edib. Həmçinin peşə üzrə master-klaslar təşkil olunub.
Layihə ilə bağlı növbəti tədbirin mart ayında keçirilməsi planlaşdırılır.
