Dünya şöhrətli alim Sumqayıt Dövlət Universitetində (SDU) olub.
Sumqayıt24 xəbər verir ki, Sinqapur Milli Universitetinin Dayanıqlılıq və Nanotexnologiya Mərkəzinin direktoru, dünya səviyyəli alim, professor Siram Ramakrişna “Dayanıqlı inkişafa doğru: XXI əsrdə ali təhsilin və innovasiyaların rolu” mövzusunda mühazirə keçirib.
Sumqayıta səfər çərçivəsində professor və SDU-nun rektoru Rüfət Əzizov icra başçısı Zakir Fərəcovla da görüşüblər. Onlar Sumqayıt şəhərinin sosial-iqtisadi inkişafı, şəhərdə həyata keçirilən infrastruktur layihələri və innovativ texnologiyaların tətbiqi ilə bağlı məsələləri müzakirə ediblər.
Professor Siram Ramakrişna gələcəkdə SDU ilə elmi və texnoloji sahələrdə əməkdaşlığın genişləndirilməsinin önəmini vurğulayıb.
