Saray qəsəbə sakini şəhid olub. Sumqayıt24 bu haqda 12 aprel tarixində xəbər verir.
Aprelin 11-i saat 16:20 radələrində Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Azərbaycan Ordusunun Laçın rayonu istiqamətindəki üzbəüz mövqelərini müxtəlif çaplı silahlardan atəşə tutublar. Daha sonra minaatan və iriçaplı silahlardan da mövqelərimizi atəşə tutmaqda davam edib. Ordumuz tərəfindən görülən cavab tədbirləri zamanı Ermənistan silahlı qüvvələrinin bölmələri xeyli sayda itki verib.
Təxribatın qarşısını alarkən 3 hərbçimiz şəhid olub. Bunlar - Elşad Həsənov, Səbuhi Tağıyev və Saray sakini Vidadi Zalovdur.
Məlumata görə, 38 yaşlı gizir Vidadi Zalovun azyaşlı uşaqları var.
