Sumqayıt Dövlət Universitetində (SDU) olimpiada qaliblərinin mükafatlandırılması mərasimi keçirilib. Bu haqda 20 aprel tarixində Sumqayıt24 SDU-ya istinadən xəbər verir.
Ulu öndər Heydər Əliyevin 100 illiyinə həsr olunmuş yarış riyaziyyat fənni üzrə I-III kurs tələbələri arasında təşkil olunub. Olimpiadada 98 nəfər tələbə iştirak edib.
Müsabiqənin yekun nəticəsinə görə:
- 441 saylı qrup tələbəsi Aysel Nuriyeva 33 balla 1-ci yerə,
- 452 saylı qrup tələbəsi Mehri Fətəliyeva 27 balla 2-ci yerə,
- 26 və 25 balla 442-ci qrup tələbəsi Dilşad Əliyeva və 436 saylı qrup tələbəsi Jalə Zahid qızı Məmmədova isə 3-cü yerə layiq görüldülər.
Çıxış edən riyaziyyat fakültəsinin dekanı dosent Xalidə Həsənova qalibləri Fəxri Fərman, qiymətli hədiyyələrlə mükafatlandırdı və onlara xoş arzularını çatdırdı.
