Sumqayıt Dövlət Universitetində (SDU) fənn olimpiadası keçirilib. Bu haqda 4 aprel tarixində Sumqayıt24 SDU-ya istinadən xəbər verir.
Yarış Kimya və biologiya fakültəsinin təşkilatçılığı ilə baş tutub. Ümummilli lider Heydər Əliyevin anadan olmasının 100 illiyi ilə bağlı təşkil olunan olimpiada iki mərhələdə keçirilib.
Gərgin mübarizə şəraitində keçən turnirdə komissiyanın qərarı ilə topladıqları ballara görə - kimya fənni üzrə 352-ci qrup tələbəsi Fatimə Sadıxova 100 bal, 351-ci qrup tələbəsi İlahə Mirzəağayeva 60 bal, 323b qrup tələbəsi Əfsanə Əsgərova 58 bal, biologiya fənni üzrə 348-ci qrup tələbəsi Ülkər Qəmbərzadə 56 bal, 345-ci qrup tələbəsi Ləman Hüseynova 50 bal, 353-cü qrup tələbəsi Türkan Zülfüqar isə 42 bal toplayaraq qalib olublar.
Sonda qaliblər diplom və medallarla təltif olunublar.
