Sumqayıtda "Xilasetmə manqa komandirləri” kateqoriyası üzrə mülki müdafiə kursu keçirilib. Sumqayıt24 bu haqda 29 aprel tarixində Fövqəladə Hallar Nazirliyinə (FHN) istinadən xəbər verir.
Tədbir FHN-in Sumqayıt Regional Mərkəzi tərəfindən təşkil olunub. Kursda kollektiv mühafizə vasitələrindən istifadə, təxliyə planlarının düzgün hazırlanması, təbii və texnogen xarakterli fövqəladə hadisələr zamanı düzgün davranış, xilasetmə alət və avadanlıqlardan istifadə qaydaları izah edilib, həmçinin mövzulara aid fotoslayd və videoçarxlar nümayiş etdirilib.
Sonda dinləyicilərə şəhadətnamələr verilib.
