Fövqəladə Hallar Nazirliyinin Sumqayıt Regional Mərkəzi tərəfindən "Attraksionlarda köməksiz vəziyyətdə qalmış zərərçəkmişlərin xilas edilməsi" mövzusunda təlim keçirilib.
Sumqayit24.az xəbər verir ki, bu barədə FHN-in mətbuat xidməti məlumat yayıb.
Bildirilib ki, təlimin keçirilməsində məqsəd xilasetmə işlərinin təşkili və aparılması qaydaları, o cümlədən attraksionlarda köməksiz vəziyyətdə qalmış zərərçəkmişlərin təxliyə edilməsi üzrə xilasedicilərin bilik və bacarıqlarının artırılması, həmçinin xilasetmə qrup komandirlərinin hadisə zamanı effektiv idarəetmə vərdişlərinin təkmilləşdirilməsi olub.
Təlim zamanı xilasedicilər tərəfindən şərti olaraq attraksionda köməksiz vəziyyətdə qalmış zərərçəkmiş "xilas edilərək təxirəsalınmaz ilkin yardım göstərilib.
Uğurla keçirilmiş təlimin sonunda əldə olunmuş nəticələr müzakirə edilib, müvafiq tapşırıqlar verilib.
