Fövqəladə Hallar Nazirliyinin (FHN) aidiyyəti qurumları tərəfindən fövqəladə hallarla bağlı davranış qaydaları barədə maarifləndirici tədbirlər keçirilib.
Sumqayit24.az xəbər verir ki, bu barədə FHN məlumat yayıb.
Tədbirlər FHN-in Sumqayıt Regional Mərkəzi tərəfindən Abşeron-Xızı Regional Təhsil İdarəsində, eləcə də Sumqayıt şəhər 6 nömrəli məktəbdə təşkil olunub.
Seminarlarda fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub, sularda təhlükəsizliklə bağlı məsələlər diqqətə çatdırılıb və ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
İnteraktiv formada keçirilən tədbirlər zamanı suallar ətraflı cavablandırılıb.
