Fövqəladə Hallar Nazirliyinin (FHN) Sumqayıt Regional Mərkəzinin təşkilatçılığı ilə obyekt mülki müdafiə məşqi keçirilib.
Sumqayıt24 xəbər verir ki, tədbir Sumqayıt Perinatal Mərkəzində təşkil edilib. Burada FHN-in Sumqayıt Regional Mərkəzinin əməkdaşları, Qızıl Aypara Cəmiyyətinin (QAC) Sumqayıt Bölməsinin nümayəndələri, müəssisənin rəhbər və işçi heyəti iştirak ediblər.
Məşq zamanı heyətin fövqəladə hal barədə xəbərdar edilməsi, toplanması, habelə yaranmış ekstremal vəziyyətin nəticələrinin aradan qaldırılması və ümumi idarəetmənin təşkili üzrə fəaliyyətləri qiymətləndirilib, həmçinin funksional vəzifələrlə bağlı məruzələr dinlənilib.
